Kraftig kostnadssprekk på Sørsundbrua

Rehabiliteringa av Sørsundbrua i Kristiansund blir meir omfattande og kostnadskrevjande enn planlagd.

Det melder Møre og Romsdal fylkeskommune.

I en pressemelding skriver de:

Prosjektet er delt i to hovuddelar. Del 1 omfattar forsterking av brusøylene og bygging av skipsstøytsvern, medan del 2 gjeld tiltak for å forlenge levetida på brua, som oppspenning, ny kantdragar og rekkverk.

Meir krevjande enn forventa

Kostnadsauken kjem hovudsakleg av at arbeidet i del 1 har vore langt meir krevjande enn forventa. Grunnarbeidet under vatn har vore teknisk komplisert, mellom anna på grunn av uventa grunnforhold ved fleire fundament. Dette har ført til meir undervassprenging, bruk av dykkarar og forseinka framdrift, med påfølgande meirkostnader.

Samtidig viser prosjekteringa av del 2 at både kompleksitet og kostnader er høgare enn tidlegare anslått. Årsakene er mellom anna auka kostnader knytt til anleggsgjennomføring, meir materialbruk og usikkerheit rundt enkelte forsterkingstiltak.

Ikkje rom for påhengt gangbane

Den samla kostnaden for prosjektet er no venta å auke med opp mot 100 mill. kroner samanlikna med tidlegare estimat. Fylkeskommunedirektøren meiner derfor at det ikkje er økonomisk rom for å utvide prosjektet med ein påhengt gangbane. Kostnaden for ei slik løysing, inkludert vegtiltak på begge sider av brua, er berekna til om lag 90 mill. kroner.

Etter at fylkesutvalet har behandla saka 3. juni, skal fylkestinget i møtet 16.–17. juni gjere endeleg vedtak.

Les mer her.